६ साउन, पोखरा । पोखराको बेगनास तालमा डुबेर आइतबार एक युवकको मृत्यु भएको छ ।
पोखरा महानगरपालिका वडा नम्बर २८ र ३१ मा पर्ने बेगनास तालमा माछा मार्न गएका पोखरा १५ टुटुङ्गाका ३१ वर्षीय प्रकाश गुरुङको मृत्यु भएको हो ।
माछा मार्नका लागि तालमा पसेका उनी पौडी खेल्दै गर्दा अचानक तालमा डुबेको कास्की प्रहरीले जनाएको छ ।
तालमा डुबेको खबर पाएलगत्तै गएको प्रहरी टोलीले उनलाई उद्दार गरेर पोखरा स्वास्थ्य विज्ञान प्रतिष्ठान पोखरा उपचारको लागि ल्याएको थियो । तर, चिकित्सकले दिउँसो ३ः१५ बजे मृत घोषणा गरेका थिए ।