बुधबार, ३० साउन, २०७५
OnlineKhabar.com
Suzuki

विपक्षीले सरकारलाई काम गर्न दिएन : मन्त्री अर्याल

Suzuki
सन्देश श्रेष्ठ

फाइल तस्वीर

२५ साउन, पोखरा । भूमि व्यव्स्थापन, सहकारी एवम् गरीबी निवारणमन्त्री पद्मा अर्यालले विपक्षीका कारण सरकारले सोचेजस्तो काम गर्न नपाएको गुनासो गरेकी छन् ।

विपक्षीले संसद अबरुद्ध गर्ने, अदालतमा रिट हाल्ने लगायतका काम गर्दा सरकारले सोंचेजस्तो काम गर्न नसकेको उनले बताइन् । यद्यपि, सरकारको काम सन्तोषजनक नै रहेको उनको दाबी छ ।

शुक्रबार पोखरामा सञ्चारकर्मीहरुसँग कुरा गर्दै मन्त्री अर्यालले सरकारलाई काम गर्न नदिन बिपक्षीले बिना एजेण्डासंसद अबरुद्ध गरेको आरोप लगाइना्. ‘चुनाव हारेका प्रतिष्पर्धीहरुलाई छटपटी भइरहेको छ, उनीहरु सरकारलाई काम गर्न नदिने प्रयासमा छन्, केहि गरौं भन्यो गर्नै दिदैनन्’ उनले भनिन्, ‘सानो सानो विषयमा समेत बिपक्षीले संसद अबरुद्ध गरेर काम गर्नै दिएनन् ।’

सांसदलाई बोल्न नदिएको सामान्य विषयमा समेत बिपक्षीले संसद अबरुद्ध गरेको उनको आरोप छ । तर, अब सँधै यसरी नचल्ने भन्दै यसलाई पराजित गरेर चुनावताका जनतालाई बाँडेको समृद्धि र विकासको सपना पूरा गर्ने गर्न सरकार अगाडि बढ्ने उनले उल्लेख गरिन् ।

मन्त्री अर्यालले सरकार बनेको ४ महिना मात्र भएको बताउँदै अहिले नै मूल्यांकन गर्ने बेला नभएको बताइन् ।

दीर्घकालीन योजना अघि नसारी निर्माणमा मात्र जुटेको भए अहिले रिजल्ट देखिसक्ने दाबी गर्दै उनले भनिन्, ‘सरकार बनेको ४ महिना मात्रै भएको छ, अहिले नै यो सरकारको रिजल्ट हेर्ने र त्यसको आधारमा मूल्यांकन गर्ने बेला भएको छैन ।’ उनले वर्तमान सरकारलाई काम नगर्ने छुट नभएको बताउँदै चाँडै नै जनताले परिवर्तनको महसुस गर्नेगरी रिजल्ट आउने दाबी गरिन् ।

स्थानिय सरकारले जथाभावी कर बढाएको व्यापक गुनासो आएको बताउँदै यसलाई संघीय सरकारले सच्याउने मन्त्री अर्यालले बताइन् ।

‘जनताले कर त तिर्नैपर्छ । तर एकैपटक धेरै बढाएको व्यापक गुनासो आएको छ, यसरी जथाभावी बढाएको कर संघीय सरकारले सच्याउँछ’ उनले भनिन्, ‘स्थानिय सरकारलाई जथाभावी कर नबढाउन सचेत पनि गराउँछ ।’

२०७५ साउन २६ गते ४:४५ मा प्रकाशित (२०७५ साउन २५ गते १९:५९मा अद्यावधिक गरिएको)
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • हरिहरि लेख्नुहुन्छ    |   २०७५ साउन २६ गते १५:३३

    काम पो गर्लिन यो दिदीले भनेको त थालिछन यीनले पनि कबक गरेर नाटक देखाउन

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this