आलुको गेडाको आकार कस्तो हुन्छ ? आलुको गेडाको आकार तथा तौल कस्तो कतिसम्म हुनसक्ला ?
हालै ब्राजिलमा एउटा यस्तो आलु फलेको छ, जुन सायद दुनियामा अहिलेसम्म अन्त कतै फलेको थिएन होला ।
ब्राजिलको सान्टा क्यान्तारिना प्रान्तस्थित मेलिरो सहरमा बस्ने किसान दम्पत्ति मार्ली र पाउलो सिक्विनेलले आफ्नो बारीमा अनौठो आलु फलाएका छन् । उक्त आलुको तौल ८ किलो छ भने यसको आकार ठ्याक्कै मानिसको पाइताला जस्तो छ ।
मान्छेको खुट्टाका पाइतालासँग ठ्याक्कै मिल्ने त्यो आलुमा खुट्टाका सबै औँला पनि दुरुस्तै छन् ।
आफुहरुले यस्तो आलु अहिलेसम्म नदेखेको र यो आलुलाई के गर्ने भन्ने बारेमा निर्णय गरिनसकेको किसान दम्पत्ति बताउँछन् ।
यस्तो अनौठो आलु फल्दा कताकता उनीहरुलाई डर पनि लागेको छ । यो आलु नखाने र मान्छेहरुले हेर्न चाहेमा प्रदर्शनीमा राख्ने उनीहरुको योजना छ । एजेन्सी
