२८ साउन, काठमाडौं । अमेरिकन मेजर लिग सकरमा वायन रुनीले डीसी युनाइटेडका लागि अन्तिम समयमा खालि पोस्टमा जोगाएको गोल र उत्कृष्ट पासले दिलाएको जितको चर्चा चुलिएको छ ।
इंग्लिस क्लब म्यानचेस्टर युनाइटेड र इभर्टनका पूर्वखेलाडी रहेका इंग्ल्याण्डका पूर्वकप्तान रुनीले सोमबार ओर्लान्डो सिटीसँगको खेलमा चमत्कारिक प्रदर्शन गरेका हुन् ।
९६ औं मिनेटमा खेल दुई-दुई गोलको बराबरीमा थियो । त्यही बेला डीसी युनाइटेडले पाएको पेनाल्टीमा गोलकिपर डेभिड ओस्टेड पनि आˆनो पोस्ट छाडेर विपक्षीको पोस्टमा पुगेका थिए ।
ओर्लान्डो सिटीले कर्नर बलपछि बल फुत्काएर खाली पोस्टमा बढाइरहेको बल सेन्टर नजिकै रुनीले ट्याकल गरेर खोसेका थिए । लगत्तै उनले दिएको लामो पासमा डीसीका लुसियानो एकोस्टाले हेडिङ गोल गरेर जिताए ।
‘खेल अनौठो रहृयो । हामी अन्तिम पाँच सेकेण्डमा हारबाट जितमा पुग्यौं’ ३२ वर्षका रुनीले खेलपछि भने ।
‘फुटबल इतिहासमै यो उत्कृष्ट जित हो । हामीले १० जनामा सीमित उनीहरुविरुद्ध अझै राम्रो गर्न सक्थ्यौं । हाम्रो टिममा सुधारको धेरै ठाउँहरु छ’ उनले भने,
‘कर्नरको बेला म डिबक्समा नै जाने गर्थें । तर, आज यस्तै केही होला जस्तो लागेरै म बाहिर बसिरहेको थिएँ । नभन्दै मौका आयो र हामीले सदुपयोग पनि गर्न सक्यौं ।’
भिडियो हेर्नुहोस्