२९ साउन, जनकपुरधाम । प्रधानमन्त्री केपी शर्मा ओलीले प्रदेश २ को प्रदेशसभालाई भदौ २ गते संबोधन गर्ने भएका छन् । प्रदेशसभालाई संबोधन गर्न प्रधानमन्त्री भदौ २ गते आउने तय भएको मुख्यमन्त्री तथा मन्त्रिपरिषद कार्यालयले जनाएको छ ।
उनले भदौ २ गते विहान ११ बजे संबोधन गर्ने कार्यक्रम भएको सभामुख सरोज कुमार यादवले बताए ।
‘प्रधानमन्त्री केपी शर्मा ओली प्रदेश सभामा सम्बोधन गर्ने जानकारी मुख्यमन्त्रीबाट आएको छ अहिले पत्र नआए पनि प्रदेशसभा बैठकमा सम्बोधन गर्ने तयारी प्रक्रिया सुरु भइसकेको छ’ प्रदेश २ का मुख्यमन्त्री तथा मन्त्रिपरिषद् कार्यालयका सचिव हरि फुयालले भने ।
प्रधानमन्त्री ओलीले प्रदेश १, प्रदेश ३, गण्डकी र प्रदेश ५ को प्रदेशसभालाई संबोधन गरिसकेका छन् ।
