२९ साउन, जनकपुरधाम । जिल्ला प्रहरी कार्यालय धनुषाले नेकपाका नेता श्याम यादवलाई पक्राउ गरेको छ । यादव पूर्वमाओवादी केन्द्रका पोलिटव्युरो सदस्य हुन् ।
प्रहरीले नेता यादवलाई जिल्ला प्रहरी कार्यालय परिसरबाटै पक्राउ गरेको बुझिएको छ ।
एकवर्ष अघिको हातहतियार तथा खरखजना मुद्दामा यादवलाई पक्राउ गरिएको जिल्ला प्रहरी कार्यालय धनुषाका एसपी गोविन्द थपलियाले जानकारी दिए ।
पक्राउ परेका यादवलाई जिप्रकाको हिरासतमा राखेर अनुसन्धान भैरहको उनले बताए ।
