३० साउन, काठमाडौं । ठगी आरोपमा पक्राउ परेका सीमान्त गुरुङ धरौटी बुझाउन नसक्दा कारागार चलान भएका छन् । जिल्ला अदालतले मागेको ४५ लाख रुपैयाँ धरौटी बुझाउन नसक्दा उनलाई नख्खु कारागारमा पठाएको हो ।
सलमान खानलाई नेपाल ल्याउने भन्दै सर्वसाधारणलाई ठगी गरेका ओडिसी इन्टरटेनमेन्टका गुरुङ २९ असारमा पक्राउ परेका थिए ।
गत साउन २४ गते जिल्ला अदालतले उनलाई धरौटीमा छोड्ने आदेश दिए पनि चेक बाउन्सको आरोपमा उनी पुन पक्राउ परेका थिए । उनलाई बुधबार नख्खु कारागार पठाइएको महानगरीय प्रहरी परिसर काठमाडौंले जानकारी दिएको छ ।
