२९ भदौं, काठमाडौं । नेपाल साफ महिला च्याम्पियनसिप फुटबलमा समूह ‘ए’ मा परेको छ ।
साउथ एसियन फुटबल फेडेरेसनले आज (शुक्रबार) सार्वजनिक गरेको ड्र मा नेपाल समूह ए मा परेको हो । नेपालसँगै यो समूहमा बंगलादेश, भुटान र पाकिस्तान परेका छन् ।
त्यस्तै, समूह ‘बी’ भारत, माल्दिभ्स र श्रीलंका रहेका छन् । साफ महिला च्याम्पियनसिप डिसेम्बर १७ देखि २६ तारिखसम्म हुदैछ । तर अहिलेसम्म आयोजक राष्ट्रको टुंगो भने लागिसकेको छैन ।
श्रीलंकाले आयोजना गर्ने दाबी गरे पनि साउथ एसियन फुटबल फेडेरेसनले तत्काल अनुमति दिएको छैन । साफ महिला च्याम्पियनसिप फुटबलको खेल तालिका केही दिनमा फेडेरेसनले सार्वजनिक गर्नेछ ।
