काठमाडौं । लिरोय साने टिममा फर्किँदा म्यानेचष्टर सिटीले इंग्लिस प्रिमियर लिगमा फुलहमलाई हराएको छ ।
शनिबार भएको खेलमा सिटीले फुलहमलाई ३-० गोल अन्तरले हराउँदै अपराजित यात्रा कायम राखेको छ ।
घरेलु मैदान इत्तेहाद स्टेडियममा भएको खेलमा सिटीले दोस्रो मिनेटमा नै सानेको गोलबाट अग्रता लिएको थियो । २१ औं मिनेटमा डेभिड सिल्भाले अग्रता दोब्बर पारे ।
दोस्रो हाफको सुरुमा नै राहम स्टर्लिङले गोल गर्दै म्यानचेष्टर सिटीलाई ३ अंक दिलाएका छन् ।
अर्को खेलमा आर्सनलले न्यूक्यासललाई २-१ र बोर्नमाउथले लिसेस्टरलाई ४-२ ले हराएको छ ।
