४ भदौं, काठमाडौं । सेयर बजारमा करिब ४ अंकको गिरावट देखिएको छ । साताको अन्तिम दिन विहीबार अधिकांश समूहहरु राताम्मे देखिँदा नेप्से परिसूचक ३ दशमलव ७४ अंकले गिरावट आएको हो ।
विहीबार ३ दशमलव ७४ अंकले घट्दा नेप्से परिसूचक १ हजार २ सय ५५ दशमलव ०७ अंकमा आइपुगेको छ ।
कारोबार रकम भने ५५ करोड ५० लाख ६१ हजार ५०२ रुपैयाँ पुगेको छ ।
दिनभरमा विभिन्न कम्पनीहरुको ५ हजार ९ सय ६६ वटा कारोबारबाट २० लाख १५ हजार ८ सय २९ कित्ता सेयर किनबेच भएका छन् ।