काठमाडौं । प्रतिबन्धपछि क्लब क्रिकेटमा फर्किएका डेभिड वार्नरले शतक बनाउादा स्टिभ स्मिथले ८५ रनको पारी खेलेका छन्
अष्टे्रलिष्याका पूर्वकप्तान स्मिथ र उपकप्तान वार्नर गत मार्चमा बल टेम्परिङ विवादमा परेका थिए । उनीहरुमाथि अन्तराष्ट्रिय क्रिकेट खेल्न एक वर्षको प्रतिबन्ध लागेको छ ।
प्रतिबन्धपछि दुबैले क्लब क्रिकेट खेलेका छन् । सिड्नीमा रान्डविक पिटरसनले सेन्ट जर्जलाई हराउँदा वार्नरले नटआउट १५५ रन बनाए । ओपनिङ ब्याट्सम्यान वार्नरले ९८ बलमा शतक पुरा गरेका थिए ।
सदरल्याण्डबाट खेलेको स्मिथले भने ९२ बलमा छ चौका र एक छक्काको मदतमा ८५ रनको पारी खेलेका छन् । तर, उनको टिम भने मोसम्यानसँग ३ विकेटले पराजित भएको छ ।