काठमाडौं । म्यानचेष्टर युनाइटेडका पूर्वप्रशिक्षक एलेक्स फर्गुसन ब्रेन सर्जरीपछि पहिलो पटक ओल्ड ट्रार्फड आएका छन् । ७६ वर्षीय फर्गुसनको गत मेमा ब्रेन सर्जरी गरिएको थियो ।
शनिबार म्यानेचष्टर युनाइटेडले वोल्भ्ससँग खेल्दा फर्गुसन ओल्ड ट्रार्फडमा आएका हुन् । दर्शकले आफ्नो स्थानबाट उठेर सम्मान प्रकट गरे । खेलको २७ औं मिनेटमा दर्शकले ताजी बजाए, यसको अर्थ फर्गुसनले युनाइटेडमा विताएको २७ वर्ष थियो ।