७ असोज, काठमाडौं । साविकको विजेता बायर्न म्युनिखले जर्मन बुन्डेस लिगा फुटबलमा लगातार चौथो जित निकालेको छ ।
शनिबार राति भएको शाल्केलाई उसैको घरेलु मैदानमा २-० गोलले पराजित गरेको हो । बायर्नको जितमा जेम्स रोड्रिगुएज र रोबर्टो लेवान्डोस्कीले गोल गरे ।
पहिलो हाफको आठौं मिनेटमा रोड्रिगुएजले गोल गर्दै बायर्नलाई अग्रता दिलाएका थिए । पहिलो हाफमा १-० गोलले अघि रहेको बायर्नले दोस्रो हाफमा थप १ गोल गर्दा शाल्केले भने कुनै गोल फर्काउन सकेन ।
खेलको ६४ औं मिनेटमा लेवान्डोस्कीले पेनाल्टीबाट गोल गर्दै बायर्नलाई दोब्बर अग्रतामा पुर्याएका थिए ।
जितसँगै बायर्नले ४ खेलबाट १२ अंक जोडेर शीर्ष स्थानमा छ । पराजित भएको शाल्के भने अंक बिहीन छ ।
