७ असोज, काठमाडौं । इन्डोनेसियाको लिगमा पेरसिब बानदुङविरुद्धको खेलमा पर्सिजा जकार्ताबाट नेपालका रोहित चन्दले उत्कृष्ट गोल गरेका छन् ।
खेलको ६५ औं मिनेटमा फ्रिकिकमा आएको बललाई रोहितले राम्रो हेडिङ गरेर गोल गरेका हुन् । जसले खेल २-२ को बराबरीमा पुगेको थियो ।
रोहितले उत्कृष्ट गोल गर्दै बराबरी गरे पनि इन्जुरी समयमा गोल खाँदा पर्सिजा ३-२ ले पराजित भएको छ ।
खेलको २९ औं मिनेटमा पेरसिबले अग्रता लिएको थियो । पहिलो हाफको अन्त्यमा पर्सिजाले बराबरी गोल गर्यो । त्यसपछि ६० औं मिनेटमा पाएको पेनाल्टीमा गोल गरेर पेरसिबले पुनः अग्रता बनायो ।
रोहितले ६५ औं मिनेटमा गरेको गोलले बराबरी भए पनि पेरसिबले इन्जुरी समयमा गोल गरेर खेल जित्यो । खेलको ९० औं मिनेटमा नै रोहित सब्सिच्युड भएर बाहिरिएका थिए ।
पेरसिब लिग तालिकाको शीर्ष स्थानमा छ भने पर्सिजा छैठौं स्थानमा रहेको छ ।
हेर्नुहोस् रोहितले गरेको गोल
Tandukan Rohit Chand kembali samakan kedudukan.
__#PersijaDay #PersijaJakarta #PersijaSelamanya pic.twitter.com/yIvCLadOdD— Persija Jakarta (@Persija_Jkt) September 23, 2018