१८ मंसिर, काठमाडौं । काठमाडौं प्रहरी परिसर, टेकुले बलात्कार आरोपमा १७ वर्षीय किशोरलाई पक्राउ गरेको छ ।
पक्राउ पर्नेमा रौतहट, राजदेवी–८ घर भइ काठमाडौं–३, रानीबारी बस्दै आएका १७ वर्षीय धर्मेन्द्र यादव छन् ।
उनलाई मंगलबार बिहान प्रहरीले पक्राउ गरेको हो । काठमाडौं प्रहरीका अनुसार उनीमाथि मकवानपुर हेटौंडाकी १४ वर्षीया बालिकालार्इ बलात्कार गरेको आरोप छ ।
डेरामा अभिभावक नभएको अवस्थामा ललाइफकाइ जबरजस्तीकरणी गरेको भन्दै प्रहरीमा जाहेरी परेको जनाइएको छ । थप अनुसन्धान जारी छ ।