असल वर प्राप्तिको कामना गर्दै महिलाहरुले सोमबारे वर्त गर्ने गरेको त देखिएकै हो । तर कुनै पुरुषले मन्दिरमा गएर महिलाले जस्तै सिँगारपटार गरी सुन्दर पत्नीको वरदान माग्दछन् भन्ने सुन्दा पत्याउन गाह्रो पर्दछ ।
भारतमा रहेको एउटा मन्दिरमा चाहीँ पुरुषहरु गएर सोह्र सिँगार गर्दछन् र भगवानको पुजाअर्चना गर्दछन् ।
त्यहाँ पुग्ने हरेक पुरुषको एकमात्र विशेष उद्धेश्य भनेको सुन्दर पत्नी र राम्रो जागिरको लागि वरदान माग्नु ।
दक्षिण भारतको केरलामा रहेको छ यो मन्दिर । उक्त मन्दिरमा वरदान माग्न जाने पुरुषहरु महिलाले जस्तै सारी लगाएर श्रृंगार गर्नुपर्दछ ।
कोल्लम जिल्लास्थित कोट्टनकुलंगरामा रहेको श्रीदेवी मन्दिरमा यस्तो अनौठो क्रियाकलाप गर्दछन् पुरुषहरु ।
हरेक वर्ष २३ र २४ मार्चमा यो मन्दिरमा चाम्याविलक्कु नामक पर्व मनाइन्छ र त्यो बेला महिलाको जस्तै श्रृंगारपटार गरेर वरदान माग्न आउने पुरुषको भिड लाग्दछ ।
एजेन्सी
