२२ मंसिर, काठमाडौं । नेपाली कांग्रेसका सभापति शेरबहादुर देउवाले टिकट वितरणमा कमजोरी भएको स्वीकार गरेका छन् ।
पार्टी केन्द्रीय कार्यसमितिको शनिबारको बैठकमा देउवाले उम्मेदवार छनोटमा कमजोरी भएको स्वीकार गरेका हुन् । उनले भने, ‘डडेलधुरामा शेरबहादुर र कैलालीमा उसकै श्रीमतीलाई भोट देउ भन्दा कसरी दिन्छन्, दिएनन् नि ।’
नुवाकोटमा महत दाजुभाइ तथा केसी दाजुभाइलाई उम्मेदवार बनाउने गल्ती भएको उनले बताए ।
