बलिउडमा अहिले पुराना गीतलाई रिमेक गरेर तयार पार्ने चलन बढेको छ । यसैले बलिउडमा नयाँ गीतको अभाव भएको हो कि भन्ने पनि देखिएको छ । यही क्रममा चलचित्र ‘फ्रड सैंया’मा समावेश ‘छम्मा छम्मा’ बोलको गीतको भिडियो सार्वजनिक भएको छ ।
यो गीतको भिडियोमा नायिका एली अवरामलाई निकै नै सेक्सी अवतारमा देखाइएको छ । यो गीतको ओर्जिनल भिडियोमा नायिका उर्मिलाले नृत्य गरेकी थिइन् । यो गीत चलचित्र ‘चाइना गेट’मा समावेश छ ।
नेहा कक्कडले आवाज भरेको गीतको भिडियो हेर्दा उर्मिलाको याद आउँछ । दर्शकले यो भिडियोलाई मिश्रित प्रतिक्रिया दिएका छन् ।