६ पुस, काठमाडौं । नेपाली युवा लेग स्पिनर सन्दीप लामिछानेको टिम मेलबर्न स्टार्सले बिग बास लिग क्रिकेटमा आज पहिलो खेल खेल्दैछ ।
सन्दीपको टिम मेलबर्न स्टार्सले क्यानबेरामा आज सिड्नी थन्डरविरुद्ध प्रतिस्पर्धा गर्न लागेको हो । मेलबर्न र सिड्नीबीचको खेल नेपाली समय अनुसार दिउँसो २ बजे सुरु हुनेछ ।
On our way to Canberra for the first game of @BBL against @ThunderBBL ! A perfect way to start your journey with the Man @DJBravo47 & Coach @SPFleming7 ! #BBL08 #Melbourne_Stars #Sandeep_Lamichhane #Nepal_Cricket🇳🇵 pic.twitter.com/E7RSMKRiY2
— Sandeep Lamichhane (@IamSandeep25) December 20, 2018
आफ्नो टिमको पहिलो खेलमा नै सन्दीपले डेब्यु गर्ने सम्भावना निकै रहेको छ । मेलबर्नको विदेशी खेलाडीमा वेष्ट इन्डिजका ड्यान ब्राभोसँगै नेपालका सन्दीप लामिछाने मात्रै रहेका छन् ।
दुई जना विदेशी खेलाडीले एक खेलमा खेल्न पाउने नियम भएको हुदा सन्दीपको सम्भावना प्रवल मानिएको हो ।
बिग ब्यासमा सन्दीपले डेब्यु गर्न पाए उनको सपना पूरा हुनेछ । उनले आफ्नो सपना बिग ब्यास खेल्ने रहेको बताउँदै आएका छन् । मेलबर्नका कप्तानीमा ग्लेन म्याक्श्वेल रहेका छन् ।
क्यानबेरा प्रस्थान गर्नुअघि उनले कोच स्टेफन फ्लेमिङ र ड्वेन ब्राभोसँगको तस्वीर ट्वीटमा सेयर गरेका छन् । र, सन्दीपले लेखेका छन्, ‘यात्रा सुरु गर्ने एक उत्तम तरिका ।’
