१५ पुस, काठमाडौं । नेपाल ल्युब आयल लिमिटेडको २७औं वार्षिक साधारण सभा सम्पन्न भएको छ । साधारण सभाले सेयर होल्डरहरुलाई ४० प्रतिशत लाभांश वितरण गर्ने प्रस्ताव पारित गरेको छ ।
सो लाभांश मध्ये ३० प्रतिशत नगद र १० प्रतिशत बोनस लाभांश प्रदान गरिने नेपाल ल्युब आयलद्वारा जारी प्रेस विज्ञप्तिमा भनिएको छ ।
कम्पनीका अध्यक्ष तथा प्रबन्ध निर्देशक अरुणकुमार चौधरी तथा बोर्ड अफ डाइरेक्टर, कम्पनी सचिव र अन्य सेयरहोल्डरहरुको उपस्थितिमा सो साधारण सभा सम्पन्न भएको थियो ।
सो अवसरमा कम्पनीका अध्यक्ष तथा प्रबन्ध निर्देशक अरुणकुमार चौधरीले नेपालमा लुब्रिकेन्ट व्यवसाय तीव्र प्रतिस्पर्धात्मक अवस्थामा रहे पनि विश्व स्तरीय उत्पादन उपलब्ध भएको र नवीन रणनीति तथा समर्पित समूहका साथ अगाडि बढिरहेकाले सो आर्थिक वर्षमा कम्पनी २६ सय केएल भन्दा बढी लुबि्रकेन्ट बिक्री गर्न सफल भएको बताए ।
यसबाट गल्फले नेपालमा नम्बर १ लुबि्रकेन्ट ब्रान्डको रुपमा आफूलाई कायमै राख्न सफल भएको उनले बताए ।
नेपाल ल्युब आयलले गल्फ आयल इन्टरनेसनलको प्रत्यक्ष निगरानीमा नेपालमै गल्फ लुबि्रकेन्ट उत्पादन गर्नुका साथै बिक्री-वितरण समेत गर्छ । गल्फ अन्तर्राष्ट्रिय लुबि्रकेन्ट ब्रान्ड हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4