काठमाडौं । ‘डिफेण्डिङ च्याम्पियन रोजर फेडेररले अष्ट्रेलियन ओपन टेनिसमा अप्रत्यासित हार व्यहोरेका छन् । फेडेररलाई हराउँदै गि्रकका स्टेफानो सिटसिफेस क्वार्टरफाइनलमा पुगेका हुन् । उनको यो करियरकै सबैभन्दा ठूलो जित हो ।
स्वीस फेडेररले ६-७, ७-६, ७-५ र ७-६ को सेटमा खेल गुमाएका थिए । यो हारसँगै ६ पटकका च्याम्पियन फेडेरर १६ वर्षमा दोस्रो पटक अन्तिम आठमा पुग्न सकेनन् ।
ऐतिहासिक जित हात पार्ने क्रममा २० वर्षीय सिटसिफेसले ३७ वर्षीय फेडेररका सबै १२ ब्रेक प्वाइन्ट बचाएका थिए । ‘अहिले म पृथ्वीकै खुसी मान्छे हुँ, यसको बयान गर्न सक्दिनँ’ उनले भनेका छन् ।