२६ वैशाख, काठमाडौं । केन्द्रीय बैंकका पाँच कार्यकारी निर्देशक बिहीबारदेखि विदामा बसेका छन् ।
३० वर्षे सेवा अवधिका कारण एक महिनापछि अवकाश पाउन लागेका कार्यकारी निर्देशक तथा प्रवक्ता नारायणप्रसाद पौडेल, अनुसन्धान विभाग प्रमुख नरबहादुर थापा, कार्यकारी निर्देशकहरु जनक अधिकारी, भीष्मराज ढुंगाना र झलक शर्मा आचार्यले बिहीबारदेखि विदा बसेका हुन् ।
पौडेल विदा बसे पनि प्रवक्ताको जिम्मेवारी तोकिएको छैन । सहप्रवक्ता रहेका निर्देशक गोविन्द नागिलाले पनि कार्यबाहकको जिम्मा पाएका छैनन् ।
‘हिजोसम्म नारायण सर नै प्रवक्ता हुनुहुन्थ्यो, आजबाट खाली भयो’ राष्ट्र बैंकका सहायक प्रवक्ता नागिललो भने, ‘हाम्रोमा कार्यबाहक तोकिदैन, मलाई लाग्छ सोमबार, मंगलबारसम्म नयाँ प्रवक्ता आउनु हुन्छ होला ।’
