२२ जेठ, काठमाडौं । अख्तियार दुरुपयोग अनुसन्धान आयोगले भृकुटीमण्डप अनियमिततामा निष्पक्ष अनुसन्धान र कारबाही गरिने जनाएको छ ।
भृकुटीमण्डपको बेथितीबारे अनलाइनखबरमा प्रकाशित समाचारले आयोगको गम्भीर ध्यानाकर्षण भएको आयोगका प्रवक्ता प्रदीपकुमार कोइरालाले बताए ।
अनियमितताबारे यसअघि परेको भनिएको उजुरी खोजी थालिएको तर अहिलेसम्म प्राप्त नभएको उनको भनाइ छ । ‘भृकुटीमण्डप सम्बन्धमा यसअघि भएको अनुसन्धानमा ल्याम्ह पुचः र परिषद्को भूमिका सम्बन्धमा के कस्ता उजुरी थिए खोजिगरेका छौं तर भेटिएको छैन,’ प्रवक्ता कोइरालाले भने ।
प्रकाशित समाचारलाई आधार बनाएर पर्ने उजुरीमा पनि आयोगले निष्पक्ष छानबिन अघि बढाउने भन्दै प्रवक्ता कोइरालाले अख्तियारको कामकारबाहीमा विश्वस्त रहन आग्रह गरे ।
यो पनि पढ्नुहोस
भृकुटीमण्डपमा ब्रह्मलुट !
