काठमाडौं । विश्वकप क्रिकेटमा अर्को खेल पनि वर्षाले विथोलेको छ । सोमबार दक्षिण अफ्रिका र वेष्टइण्डिजको खेल वर्षाका कारण रद्ध भएको हो ।
साउथ ह्याम्पटनामा टस हारेर ब्याटिङको निम्तो पाएको दक्षिण अफ्रिकाले ७.३ ओभरमा २ विकेट गुमाउर २९ रन बनाउँदा पानीले खेल रोकियो । लगातार पानी परिरहेपछि दुबैले अंक बाँडेका छन् ।
दक्षिण अफ्रिकाले लगातार तीन खेल गुमाएको थियो । वर्षाले खेल विथोलिएपछि उसले खाता खोलेको छ ।
वेष्टइण्डिज भने ३ खेलबाट ३ अंकसहित पाँचौं स्थानमा उक्लिएको छ भने दक्षिण अफ्रिका नवौं स्थानमा छ ।
