३० जेठ, काठमाडौं । काठमाडौंको लाजिम्पाटमा शिशुको शव भेटिएको छ । गएराति सांग्रिला होटल अगाडि फोहोर फाल्ने ठाउँमा अज्ञात शिशुको शव भेटिएको हो ।
काठमाडौं प्रहरी परिसर, टेकुका डीएसपी होविन्द्र बोगटीले बच्चालाई जन्म दिएर फ्याँकिएको हुनसक्ने आशंका गरे ।
उनले अनलाइनखबरसँग भने, ‘बच्चा ९ महिनाको भएको अनुमान गरिएको छ । कसले फ्यालेको हो भन्ने खुलेको छैन ।’
बोगटीका अनुसार शव फ्याक्नेको खोजीमा काठमाडौं प्रहरी परिसर, टुेकुसहित महानगरीय प्रहरी वृत्त, लैनचौरको टोली खटिएको छ ।
थप अनुसन्धान भइरहेको उनले बताए ।
