काठमाडौं । नेपाली क्रिकेट टिमका कप्तान पारस खड्काले मलेसियाविरुद्धको टी-२० सिरिजको जित नेपालमा बाढी पहिरोमा ज्यान गुमाएका र प्रभावितहरुमा समर्पित गरेका छन् ।
दुई खेलको सिरिजमा २-० ले क्लिन स्विप गरेको नेपालका लागि यो राम्रो जित भएको कप्तान खड्काले जनाएका छन् ।
Good win last couple of days..Great effort from everyone..
Thank you all for the support..
Our victory dedicated to the all people who have lost lives and been affected by the floods and landslides..
Jai Nepal …!! pic.twitter.com/3lSnvJEWqX— Paras Khadka (@paras77) July 14, 2019
‘हामीले राम्रो जित पाएका छौँ । सबैको ठूलो योगदान रह्यो । समर्थनका लागि तपाइँहरु सबैलाई धेरै धन्यबाद’ कप्तान खड्काले ट्वीटमार्फत भनेका छन्, ‘हाम्रो जित बाढी पहिरोमा ज्यान गुमाएकाहरु र त्यसबाट प्रभावितहरुमा समर्पित गर्दछौँ । जय नेपाल ।’
मलेसियाविरुद्ध पहिलो खेल ७ विकेटले जितेको नेपालले दोस्रो खेल ६ रनले जितेको हो ।
मलेसियाबाट नेपाली टोली टी-२० विश्वकपको एसिया क्षेत्र छनोटको फाइनल यात्राका लागि सिंगापुर जाने छ । ६ साउनदेखि सिंगापुरमा सुरु हुने प्रतियोगितामा नेपालसँगै सिंगापुर, मलेसिया, कुबेत र कतार छन् ।
