१ साउन, वीरगञ्ज । शरीरमा लुकाएर ल्याउँदै गरेको लागू औषधसहित वीरगञ्जमा एकजना पक्राउ परेका छन् ।
चितवन भरतपुर महानगरपालिका वडा नं २६ बस्ने ३७ वर्षीय राजु सिटौला पक्राउ परेका हुन् ।
शरीरमा लुकाएर लागूऔषध भारतबाट नेपालतर्फ ल्याउँदै गर्दा बुधबार बिहान वीरगञ्ज महानगरपालिका-१६ भन्सार मुलगेटबाट पक्राउ परेका हुन् ।
उनको साथबाट डाइजेल्याब, नोफिन, फेनारगन १५/१५ गरी ४५ वटा ट्याबलेट बरामद भएको सशस्त्र प्रहरीले जनाएको छ ।
