आर्जन पाण्डेको स्वरमा समावेश ‘घाटी भन्दा तल’ बोलको गीत अहिले विवादित बनेको छ । गीतमा महिलाको शरीरलाई नकारात्मक रुपमा बर्णन गरिएको भन्दै यो गीतको विरोध भएको हो । केही नेपाली चलचित्रका कलाकारले समेत गीतमा आपत्ती जनाइरहेका छन् ।
प्रतिक पौडेलको संगीतमा तयार भएको यो गीतमा आर्जन र नायिका रीमा विश्वकर्माले मोडलिङ गरेका छन् । भिडियोको मेकिङ राम्रो छ ।
दि झोले क्रियशनको छायांकन र कन्सेप्टमा तयार भएको भिडियोमा एस्ट्रो झोलेको निर्देशन छ । यस्तो गीतको भिडियोमा काम गरेको भन्दै नायिका रीमा विश्वकर्माको समेत आलोचना भएको छ ।
