बलिउडका सफल निर्माता तथा निर्देशक करण जोहरले केही चलचित्र निर्देशन गरेपनि, उनका लागि चलचित्र ‘कुछ कुछ होत हे’ विशेष छ । यो चलचित्र आज पनि विश्वभरका दर्शकहरुमाझ लोकप्रिय छ । करण जोहर पनि यो चलचित्रको रिमेक बनोस् भन्ने चाहन्छन् ।
हालै मात्र, मेलवर्नमा आयोजना भएको ‘इन्डियन फिल्म फेस्टिभल’मा सहभागी भएका करणलाई दर्शकले यसको रिमेकको बिषयमा सोधेका थिए । रिमेक बन्यो भने तपाइ अहिलेका कुन कलाकारलाई काम गराउन चाहनुहुन्छ भन्ने प्रश्नमा करणले छिटो उतर दिए । उनले भने–‘म राहुलको भूमिकमा रणवीर सिंह, टिनाको भूमिकामा जाहन्वी कपुर र अंजलीको भूमिकामा आलिया भट्टलाई काम गराउन चाहन्छु ।’
करणले यो चलचित्रको बिषयमा भने–‘मैले साहरुख खान र काजोलसँग प्रतिवद्धता व्यक्त गरेको थिएँ कि, मेरो पहिलो चलचित्रमा म उनीहरुलाई नै काम गराउनेछु ।’ करणले आफ्नो दिमागमा एउटा दृश्य मात्र रहेको र यो दृश्य मन परेको खण्डमा मात्र साहरुख र काजोललाई चलचित्रको पुरा कथा सुनाउने वाचा गरे । तर, करण भन्छन्–‘मैले झुटो बोलेको थिएँ । मसँग चलचित्रका लागि स्क्रिप्ट नै थिएनँ ।’
करणले, यो चलचित्रमा टिनाको भूमिकाका लागि तब्बु, उर्मिला र ऐश्वर्या रायलाई अफर गरेका थिए । तर, पछि यो भूमिकामा रानी मुखर्जीले काम गरिन् । यो भूमिका गर्दा रानी १९ बर्षकी मात्र थिइन् ।
