जापान । गैरआवासीय नेपाली संघ (एनआरएनए) अन्तर्राष्ट्रिय समवन्य परिषद्को अधिवेशनमा अजीव गुरुङ ‘ओम’ले एसिया प्यासिफिक संयोजक पदमा उम्मेदवारी दिने भएका छन् ।
एनआरएनए जापानको उपाध्यक्षमा अत्याधिक मतको साथ बिजयी भएर यस अभियानमा संलग्न हुँदै अध्यक्ष र ३ पटकसम्म आईसीसीको पदमा काम गरिसकेका गुरुङले एसिया प्यासिफिक संयोजकमा उम्मेदवारी दिने घोषणा गरेका हुन् ।
पर्वत जिल्लाको फलेवास नगरपालिका ८ ठानामौलाको खाल्टेमा जन्मिएका गुरुङको घर अहिले चितवनको माडीमा छ । उनी बिगत लामो समयदेखि जापानमा स्थापित सफल रेष्टुरेण्ट र रेमिट्यान्स ब्यवसायी हुन ।
एक कार्यकाल आफू ब्याक बसेर आर्का उपाध्यक्षलाई अध्यक्षमा मार्गप्रसस्त गरेर मन जितेका थिए । गुरुङ आफू अध्यक्षको उमेद्वार हुँदा ६ जान प्रत्यासीहरु लगायत सिंगो कार्यसमिति सर्बसम्बत गराएका थिए ।
यसअघिका आईसीसीको अधिबेशनहरुमा पनि आफ्नो बलियो सम्भावना हुँदाहुँदै पनि साथीहरुलाई समर्थन गरी अघि लगाएर पछाडि बसेको भन्दै गुरुङले अब आफ्नो पालो आएको बताए ।
नेपालीका लागि नेपाली, एक पटकको नेपाली सधैंका लागि नेपाली भन्ने गैरआवासीय नेपाली संघको मुल नारालाई सार्थकर्ता दिन आफूले एसिया प्यासिफिक संयोजकमा उम्मेदवारी दिन लागेको उनको भनाइ छ।