१७ असोज, कैलाली । कैलालीमा सेवाग्राहीबाट घुस लिँदै गर्दा सशस्त्र प्रहरी बलका दुई कर्मचारी रंगेहात पक्राउ परेका छन् ।
अख्तियार दुरुपयोग अनुसन्धान आयोग महेन्द्रनगरबाट खटिएको टोलीले भजनी नगरपालिका–१ बाट सशस्त्र प्रहरी सहायक हवल्दार र जवानलाई पक्राउ गरेको हो ।
अख्तियार महेन्द्रनगरका निमित्त प्रमुख प्रेम बस्नेतले सशस्त्र प्रहरीको बिओपी भजनीमा कार्यरत सहायक हवल्दार ज्ञान बहादुर चौधरी र जवान रतीराम चौधरीलाई घुस रकमसहित पक्राउ गरेको जानकारी दिए ।
उनीहरुले भारतबाट आउने समानमा सहजीकरण गरिदिने भन्दै सेवाग्राहीबाट २० हजार घुस लिएको बस्नेतले जनाए ।
यो पनि पढ्नुहोस
अपराधमा बर्दीधारी : भगौडादेखि बहालवालासम्म
