६ कात्तिक, काठमाडौं । गोली हानी एक व्यक्तिको हत्या गरेको अभियोगमा धनुषा प्रहरीले १ जनालाई पक्राउ गरेको छ ।
जनकपुर उपमहानगरपालिका–१४ स्थित विद्युत् प्राधिकरणनजिकै मनोज साहको गाेली हानी हत्या गरेको अभियोगमा प्रहरीले पंकज चौधरीलाई नियन्त्रणमा लिएको हो ।
जिल्ला प्रहरी कार्यालय, धनुषाले साहको हत्या अभियोगमा चौधरी पक्राउ परेको पुष्टि गर्दै उनको साथबाट १ थान कटुवा पेस्तोल बरामद गरेको जनाएको छ ।
प्रहरीले अहिले चौधरीबारे थप अनुसन्धान गरिरहेको छ ।