२१ कात्तिक, काठमाडौं । फ्रेन्च क्लब पेरिस सेन्ट जर्मेन (पीएसजी) च्याम्पियन्स लिगको नकआउट चरणमा प्रवेश गरेको छ ।
बुधबार राति समूह ‘ए’ को खेलमा पीएसजीले क्लब ब्रुग्सलाई १–० गोलअन्तरले पराजित गर्दै पीएसजी च्याम्पियन्स लिगको अन्तिम १६ मा प्रवेश गरेको हो । पीएसजीलाई प्रिक्वाटरफाइनलमा प्रवेश गराउनका लागि माउरो इकार्डीले गोल गरे ।
खेलको २१औं मिनेटमा इकार्डीले गोल गर्दै पीएसजीलाई अग्रता दिलाएका थिए । पहिलो हाफमा अग्रता बनाएको पीएसजीले दोस्रो हाफमा रक्षात्मक खेल खेल्दै जित हात पारेको हो ।
यो जितसँगै पीएसजीले चार खेलबाट १२ अंक बनाउँदै अन्तिम १६ मा आफ्नो स्थान सुरक्षित बनाएको हो । दोस्रो स्थानमा रहेको रियल मड्रिडको सात अंक छ ।
त्यस्तै, समूह ‘सी’ मा भएको खेलमा म्यानचेस्टर सिटीले एटलान्टासँग १–१ गोलको बराबरी खेलेको छ ।