९ मंसिर, काठमाडौं । १३ औं दक्षिण एसियाली खेलकुद (साग) अन्तर्गत दशरथ रंगशालामा हुने फुटबल खेल हेर्न टिकट दर पाँच सय र एक हजार रुपैयाँ तोकिएको छ ।
अखिल नेपाल फुटबल संघ एन्फाले दशरथ रंगशालामा हुने पुरुष फुटबलका खेल हेर्न साधारण प्याराफिटको ५ सय र भीआईपी प्याराफिटको १ हजार रुपैयाँ टिकट दर तोकिएको जनाएको छ ।
मर्मत सम्भारका लागि लामो समय बन्द भएको दशरथ रंगशाला मर्मतपछि सागमा पहिलो पटक खेल सञ्चालन हुन लागेको हो ।
