३० मंसिर, काठमाडौं । क्रिस्टियानो रोनाल्डोले दुई गोल गरेपछि इटालियन सिरी ए मा युभेन्ट्स सहज जितसहित शीर्ष स्थानमा उक्लिएको छ । युभेन्ट्सले उडिनेसीलाई ३–१ ले हराउँदा रोनाल्डोले सुरुवाती २ गोल गरे ।
इन्टर मिलानलाई पनि शीर्ष स्थानमा फर्कने अवसर थियो । तर अन्तिम समयमा गोल खाँदै फियोरन्टिनासँग बराबरीमा रोकिएपछि युभेन्ट्स समान अंक जोडे पनि दोस्रो स्थानमै रहन बाध्य भयो ।
दुवै टोलीले १६ खेलबाट समान ३९ अंक भएको छ ।
युभेन्ट्सलाई घरेलु मैदानमा जित दिलाउने क्रममा रोनाल्डोले खेलको नवौंं र ३७ औं मिनेटमा गोल गरे । लिओनार्दो बोनुचीले गोल गर्दै अग्रता तेब्बर पारे । इग्नासिओ पुसेट्टोले खेल अन्त्यतिर उडिनेसीका लागि शान्त्वना गोल फर्काए ।
उता बोजा भालेरोले खेलको आठौं मिनेटमै गोल गर्दै इन्टरलाई अग्रता दिलाएका थिए । निर्भारित समयस्म इन्टरले त्यो अग्रता कायम राखे पनि इन्जुरी टाइममा जोगाउन सकेन । डुसान भ्लाहोभिचले इन्जुरी टाइमा गोल गर्दै फियोरेन्टिनालाई हारबाट जोगाए ।
यस्तै रोमाले एसपीएललाई ३–१ ले पराजित गरेको छ ।