१९ फागुन, काठमाडौं । साताको दोस्रा दिन सोमबार पनि सेयर बजार राताम्मे देखिएको छ । कारोबार खुलेको डेढ घण्टामै सेयर कारोबार मापक नेप्से परिसूचक ६५ दशमलव ८५ अंकले ओरालो लागेको छ ।
आइतबार ४० दशमलव ८२ अंकले ओरालो लागेको नेप्से परिसूचक सोमबार कारोबार खुलेसँगै ओरालो लाग्न शुरु भएको थियो ।
कारोबार खुलेको पहिलो घण्टामा नेप्से परिसूचक ६५ दशमलव ८५ अंकले घटेर १ हजार ५ सय २५ दशमलव ५५ अंकमा झरेको छ ।
यो आइतबारको तुलनामा ४ दशमलव १४ प्रतिशतले कमी हो । नेप्से परिसूचकमा ओरालो लागे पनि सेयर कारोबार भने उल्लास कायमै देखिएको छ । कारोबार रकम १ अर्ब ७५ करोड रुपैयाँ भन्दा माथिको कारोबार भएको छ ।
यो १२ बजेर ४१ मिनेट जादासम्मको अपडेट हो ।