२३ फागुन, काठमाडौं । उद्योग, वाणिज्य तथा आपूर्तिमन्त्री लेखराज भट्टले ग्यास अभाव नहुने भन्दै लाइन नबस्न आग्रह गरेका छन् ।
शुक्रबार पत्रकार सम्मेलनमा उनले फोन गर्नेवित्तिकै ग्यास पाउने गरी हटलाइन टेलिफोनको व्यवस्था गर्ने बताए ।
आपूर्ति मन्त्रालय र नेपाल आयल निगममा छिटै हटलाइन टेलिफोन व्यवस्था गर्ने मन्त्री भट्टले बताए ।
उनले घरमा थप सिलिण्डर राख्नुनपर्ने पनि बताए । नेपालमा अहिले सबै उपभोग्य वस्तुको आपूर्ति सामान्य रहेको पनि मन्त्री भट्टले बताए ।
वाणिज्य सचिव डा. बैकुण्ठ अर्यालले पाम आयलकै जस्तो गरी औषधी र यसको कच्चा पदार्थको निर्यात प्रतिबन्ध खाेल्न भारत तयार भएको बताए ।
यो पनि पढ्नुहोस
हल्लाकै भरमा ग्यासको सिलिण्डर बोकेर लाइनमा
