काठमाडौं । बेलायतमा कोरोना भाइरस (कोभिड–१९) बाट एक गर्भवती नर्सको मृत्यु भएको छ ।
तर उनको नवजात शिशुको अवस्था ठीक छ ।
बेलायतको लुटन एण्ड डन्स्टेबल युनिभर्सिटी हस्पिटलमा २८ वर्षीया मेरी एगुवा एग्यापोङको आइतबार मृत्यु भएको हो । उनी पाँच वर्षदेखि सोही अस्पतालमा कार्यरत थिइन् ।
उनको मृत्यु हुनुअगाडि नै अपरेशन गरेर पेटमा भएको बच्चालाई जन्म दिइएको इण्डिपेन्डेन्ट न्यूजले जनाएको छ । अस्पतालकी प्रवक्ताले अहिले बच्चाको अवस्था निकै राम्रो रहेको बताएकी छिन् । तर यस विषयमा थप जानकारी भने दिइएको छैन ।
एग्यापोङ कोभिड–१९ को संक्रमण देखिएको दुईदिनपछि अप्रिल ७ मा अस्पतालमा भर्ना भएकी थिइन् ।
