३० वैशाख, काठमाडौं । स्पानिस क्लब रियल मड्रिडले दुई महिनापछि फुटबल ट्रेनिङ सुरु गरेको छ । कोरोना भाइरस (कोभिड–१९) को संक्रमणपछि रोकिएको खेलाडीको अध्यास सोमबारदेखि सुरु भएको हो ।
भाल्डेबेबासमा खेलाडीहरूलाई व्यक्तिगत रूपमा प्रशिक्षण गर्नका लागि छुट गरिएको बताइएको छ ।
खेलाडीलाई विभिन्न सिफ्टमा गरेर दुई समूहमा विभाजन गरिएको छ । जहाँ हरेक समूहले एक अर्कासँग दूरी कायम गरी बलसहित र बलबिना प्रशिक्षण गर्नेछन् ।
पहिलो सातामा फिटनेस कोच ग्रेगोरी डुपोन्टले व्यक्तिगत रूपमा सेसन लिनेछन् ।
कोच जिनेदिन जिदान पनि ट्रेनिङ सेसनमा उत्साहित थिए । तर उनले सुरक्षित स्थानमा बसेर मात्र खेलाडीलाई निर्देशन दिएका थिए ।
यसअघि नै ला लिगाको अर्को क्लब बार्सिलोनाले ट्रेनिङ सुरु गरिसकेको छ । ला लिगा जूनदेखि पुनः सुरु गर्ने तयारी भइरहेको छ ।
