२३ जेठ, काठमाडौं । नेपाल वातावरण पत्रकार समूह (नेवापस) ले ‘विश्व वातावरण दिवस—जुन ५’ को अवसरमा प्रदान गर्ने वातावरण पत्रकारिता पुरस्कार पत्रकार यम बमलाई दिने घोषणा गरेको छ ।
झण्डै तीन दशकदेखि वातावरण क्षेत्रमा पत्रकारिताको माध्यमबाट योगदान पुर्याउने एक जनालाई दिइँदै आएको सो पुरस्कार यस पटक नेपाल साप्ताहिकका बमलाई दिने भएको हो ।
पुरस्कारमा २५ हजार नगद सहित प्रमाणपत्र दिइने छ । समूहले प्रत्येक वर्ष जुन महिनाको ५ तारिखका दिन विश्व वातावरण दिवसको उपलक्ष्यमा पुरस्कार राशिको घोषणा गर्ने गरेको छ ।
