एनएमबिको भाइबर र फेसबुकबाट खाता खोल्दा नगद फिर्ता योजना

२७ जेठ, काठमाडौं ।  एनएमबी बैङ्कले भाइबर र म्यासेन्जरमार्फत खोल्न सकिने खातामा पहिलो पटकको मोबाइल बैङ्किङ कारोबारमा १० प्रतिशत छुट वा ५०० सम्मको नगद फिर्ता योजना ल्याएको छ।  दैनिक उपभोग्य वस्तुको भुक्तानी, टप-अप र स्क्यान टु पे भुक्तानीमा पनि छुट र नगद फिर्ताको व्यवस्था उपलब्ध छ।

यस योजनाअन्तर्गत वर्तमान कोभिडको परिवेशमा आफ्ना ग्राहकका लागि सावधानीपूर्वक मोबाइल बैङ्किङ सेवाहरू प्रयोग गर्न प्रोत्साहन गरिएको छ ।

डिजिटल बैङ्किङ सेवाको क्षितिज अभिवृद्धि गर्दै ग्राहकवर्गलाई सहजता प्रदान गर्नु बैङ्कको प्राथमिकता रहेको छ र हामी घरमै बसी ढुक्कसँग बैङ्किङ गतिविधिहरू रोज्न सक्ने उपयुक्त माध्यम निर्माण गर्ने कार्यदिशातर्फ उन्मुख छौं । आफ्ना ग्राहकलाई बैङ्किङ्ग अनुभवहरू परिष्कृत भएको महसुस गर्न भाइबर र म्यासेन्जरकैे प्रयोगले खाता/मुद्दती निक्षेप खोल्ने नवीनतम र सुविधाजनक सेवाहरू ल्याइएको हो ।

‘हालको परिप्रेक्ष्यमा यो सेवाको सुरुवात गर्नु सुरक्षाको मामलामा कुनै सम्झौताविना ग्राहकवर्गलाई वित्तीय सेवाहरू छनौट गर्न सहयोग पुर्‍याउने सुरक्षित वातावरण तयार पार्नु हो’ बैङ्कले जारी गरेको विज्ञप्तिमा उल्लेख छ।