Comments Add Comment

लकडाउन खुलेपछि १८ वटा फिल्म दर्ता

लकडाउनका कारण सुनसान बनेको चलचित्र क्षेत्र विस्तारै चलायमान हुँदैछ । चलचित्र क्षेत्रले गती लिन थालेको उदाहरण पछिल्लो समयमा सुरु भएका चलचित्र सम्बन्धी कार्यक्रमले पनि वुझ्न सकिन्छ ।

चलचित्र क्षेत्र सुचारु गर्न चलचित्र क्षेत्रका संघसंस्थाले पहल पनि गरिरहेका छन् । यसैविच, साउनयता चलचित्र विकास बोर्डमा निर्माणका लागि १८ वटा चलचित्र दर्ता भएका छन् ।

चलचित्र विकास बोर्डले दिएको जानकारी अनुसार, साउनदेखि आजका मितिसम्म १८ वटा डिजिटल, एक वटा वृत्तचित्र, ८ वटा विज्ञापन निर्माणका लागि बोर्डमा नाम दर्ता गरिएको छ । यस्तै, ३ वटा चलचित्रका निर्माताले नाम परिवर्तनका लागि निवेदन दिएका थिए ।

चलचित्र विकास बोर्डमा दर्ता भएका चलचित्रहरुमा ‘लकडाउन, चिसो मान्छे, लक्ष्य जिन्दगीको, सत्यम्, किन रुन्छ मेरो मन, तिमी विना, संक्रमण, उद्देश्य, गुरु आमा, कृष्ण लिला’ लगायतका छन् ।
चलचित्र विकास बोर्डमा चलचित्र दर्ताका लागि निवेदन दिन जानेहरु बढेको बताइएको छ ।

यस्तै, चलचित्र विकास बोर्डमा नाम दर्ता नगरेपनि चलचित्र निर्माणका लागि काम भने सुरु भैसकेका छन् । यसैले, पनि सरकारले चलचित्र छायांकन तथा प्रदर्शनलाई अनुमती दिएसँगै चलचित्रको गतिविधी बढ्ने निश्चित छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment