२० माघ, काठमाडौं । झापामा बसको ठक्करबाट मंगलबार एकजनाको मृत्यु भएको छ । मृत्यु हुनेमा पैदलयात्री बिर्तामोड नगरपालिका-६ बुट्टाबारीका ३२ वर्षीय सागर मिश्र रहेका छन् ।
झापाको बिर्तामोडनगरपालिका-१ स्थित पूर्वपश्चिम राजमार्गमा पूर्वबाट पश्चिमतर्फ जाँदै गरेको ना ६ ख १५२० नम्बरको बसले ठक्कर दिँदा उनी गम्भीर घाइते भएको झापाका प्रहरी नायव उपरीक्षक राकेश थापाले जानकारी दिए ।
बसको ठक्करबाट गम्भीर घाइते भएका उनलाई उपचारका लागि विर्तामोडस्थित विर्तासिटी अस्पताल पठाइएकोमा चिकित्सकले उनलाई मृत घोषणा गरेका थिए ।
ठक्कर दिने बस तथा बसका चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ । सम्बन्धमा ईलाका प्रहरी कार्यालय अनारमनिबाट थप अनुसन्धान भई रहेको ।