६ वैशाख, काठमाडौँ । दीपेन्द्र सिंह ऐरीले टी २० अन्तर्राष्ट्रिय क्रिकेटमा पहिलो विकेट लिएका छन् ।
कीर्तिपुरस्थित टीयू अन्तर्राष्ट्रिय मैदानमा अहिले भएरहेको त्रिकोणात्मक सिरिज अन्तर्गत मलेसिया विरुद्धको खेलमा दीपेन्द्रले टी२० को पहिलो विकेट लिए ।
उनले २७ रन बनाएका मलेसियाका सायद अजिजलाई आसिफ शेखबाट क्याचआउट गराए ।
सन् २०१८ मा टी२० अन्तर्राष्ट्रियमा डेब्यु गरेका दीपेन्द्रले २३औं खेलमा आएर पहिलो विकेट लिएका हुन् । उनले ओडिआईमा २ विकेट लिएका छन् ।
