+
+

टीभीएसको ‘अपाचे आरटीआर २०० ४भी’ सार्वजनिक

अनलाइनखबर अनलाइनखबर
२०७८ भदौ २४ गते १७:४२

काठमाडौं । जगदम्बा मोटर्स टीभीएसले ‘अपाचे आरटीआर २०० ४भी’ को बीएस-भीआई र फर्स्ट इन क्लास राइडिङ मोड्ससहितको नयाँ मोडल सार्वजनिक गरेको छ ।

विश्वव्यापी रुपमा टू–ह्वीलर तथा थ्री–ह्वीलरको ख्यातिप्राप्त निर्माता कम्पनी, टिभिएस मोटर कम्पनीको नेपालका लागि आधिकारिक वितरक, जगदम्बा मोटर्सले बिहीबार द सोल्टी काठमाडौंमा एक कार्यक्रमको आयोजना गरी ‘अपाचे आरटीआर २०० ४भी’ को फर्स्ट इन क्लास राइडिङ मोड्ससँगै बीएस-भीआई इन्जिन सहितको नयाँ बहु-प्रतिक्षित मोडल सार्वजनिक गरेको हो ।

कार्यक्रममा टीभीएस मोटर कम्पनीका अन्तर्राष्ट्रिय व्यापार अध्यक्ष आर दीलिपले नयाँ मोडलको  ‘अपाचे आरटीआर २०० ४भी’ ले नेपाली ग्राहकलाई थप उत्साहित र खुसी बनाउने विश्वास व्यक्त गरे । टीभीएस अपाचे श्रृंखला, संसारभरी रहेका ग्राहक र रेसिङ उत्साहीहरुका लागि नयाँ प्रविधिको कौशल प्रदान गर्ने प्रतिबद्धताको प्रमाण रहेको उनको दावी छ ।

कार्यक्रममा जगदम्बा मोटर्स तथा शंकर ग्रुपका अध्यक्ष शाहिल अग्रवालले नेपाली ग्राहकहरुले सधैं नै टीभीएस अपाचे सिरिजको रेस एडिसनलाई सधैँ नै रुचाएको बताए । उनले अगाडि भने, ‘यो नयाँ एडिसनको रेस मेसिनले ग्राहकवर्गमा थप उत्साह ल्याउनेमा हामी आशावादी छौं । टीभीएस मोटर कम्पनीले सधैँ ग्राहकको उच्चतम ड्राइभिङ्ग अनुभवका लागि आफ्ना उत्पादनहरुमा उच्चस्तरीय र नवीन प्रविधिको प्रयोग गर्ने प्रणालीको हामी एकदमै सरहाना गर्न चाहान्छौं ।’

यो मोटरसाइकलमा अब पहिलाको भन्दा फरक फर्स्ट इन सेगमेन्ट एड्जस्टेबल सस्पेन्सनसहित आएको कम्पनीको भनाइ छ । कम्पनीका अनुसार हाल यो मोटरसाइकल ग्लस ब्लाक, पर्ल वाइट र नयाँ म्याट ब्लु गरेर तीन ओटा फरक रंगमा उपलब्ध हुनेछ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?