२७ भदौ, काठमाडौं । भारतको गुजरातमा भूपेन्द्र पटेल नयाँ मुख्यमन्त्री बन्ने भएका छन् । उनलाई सर्वसम्मतिमा संसदीय दलको नेता चुनिएको हो ।
केन्द्रीय मन्त्री नरेन्द्र सिंह तोमरले पत्रकार सम्मेलन गर्दै गुजरातको नयाँ मुख्यमन्त्री भएको जानकारी दिएका छन् । संसदीय दलको आइतबार बसेको बैठकमा मन्त्री तोमर पनि सहभागी भएका थिए ।
तोमरका अनुसार पटेलले छिटै नै मुख्यमन्त्रीको शपथ लिनेछन् । गान्धीनगरमा भारतीय जनता पार्टी (भाजपा)को संसदीय दलको बैठकमा पटेलको नाममा सहमति जुटेको हो । यसअघि विजय रुपाणीले शनिबार भाजापाका कार्यकर्ताको जिम्मेवारी निरन्तर परिवर्तन हुने भन्दै पदबाट राजीनामाको घोषणा गरेका थिए ।
गुजरातका पूर्व मुख्यमन्त्री आनन्दीबेन पटेलको निकट मानिने भूपेन्द्र पटेल यसअघि अहमदाबादको शहरी विकास प्राधिकरणको प्रमुख भइसकेका छन् ।
एजेन्सीहरुको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4