वीर गणेशमान सिंह टेनिसको उपाधि आर्याश र अनुश्रीलाई

१२ कात्तिक, काठमाडौं । आर्याश पौडेल र अनुश्री धोजुले वीर गणेशमान सिंह राष्ट्रिय टेनिस प्रतियोगिता २०२१ को उपाधि जितेका छन् । सातदोबाटोस्थित टेनिस कोर्टमा जारी प्रतियोगिताको यू-८ को शुक्रबार भएको फाइनलमा ब्वाइजतर्फ आर्याशले सुजन कुइँकेललाई १०-५, १०-६ को सेटमा पराजित गर्दै उपाधि चुमेका हुन् ।

यस्तै गल्र्सतर्फ अनुश्रीले सारा पन्तलाई १०-४, १०-६ को सेटमा पराजित गर्दै जित हात पारिन् । विजयी खेलाडीहरुले गिफ्ट ह्याम्पर प्राप्त गर्ने आयोजकले जनाएका छन् ।

यस्तै शुक्रबार नै सम्पन्न खेलमा शिभाली गुरुङले गल्र्स यू-१० को प्रतिस्पर्धामा माला श्री सिंहलाई ६-०, ६-० ले पराजित गरिन् । जित निकाल्ने क्रममा ब्वाइज यू-१२ तर्फ दर्सिल श्रेष्ठले निसाद जोशीलाई ६-१, ६-२ ले तथा बोरिस अधिकारीले श्रीजन भट्टराईलाई ६-२, ६-१ ले पराजित गरेका छन् ।