१५ कात्तिक, काठमाडौं । नेपालका चार प्रशिक्षकले एएफसी ए कोचिङ लाइसेन्स प्राप्त गरेका छन् ।
विष्णु गुरुङ, राकेश श्रेष्ठ, बालगोपाल साहुखल र मनिष तिमल्सिनाले एएफसी ए लाइसेन्स प्राप्त गरेको अखिल नेपाल फुटबल संघ (एन्फा)ले सोमबार जनाएको छ । चारै जनाले ए लाइसेन्स सर्टिफिकेट प्राप्त गरेका छन् ।
विष्णु ए डिभिजन क्लब संकटामा अनुबन्ध भएका छन् भने बालगोपाल च्यासल युथ क्लबको प्रशिक्षकमा छन् । यस्तै मनिषले भारतको गोकलुम क्लबको गोलकिपिङ प्रशिक्षक भएर काम गरिसकेका छन् ।
राष्ट्रिय टिमका पूर्व कप्तान राकेशले भने यू-१६ महिला टोलीको प्रशिक्षक भएर काम गरिसकेका छन् ।
योसँगै नेपालमा एएफसी ए लाइसेन्स प्राप्त गर्ने प्रशिक्षकको संख्या ३९ पुगेको छ ।
एएफसीले गत नोभेम्बर, डिसेम्बर र यस वर्ष मार्चमा गरी तीन चरणमा ए लाइसेन्स कोर्सको कार्यक्रम गरेको थियो । जसमा पहिलो पटक एन्फाको आफ्नै पाठ्यक्रम अनुसार २० जनाले सहभागिता जनाएका थिए ।
प्रतिक्रिया 4