यु- २३ फुटबल टिम स्वदेश फर्कियो

तस्वीर : अखिल नेपाल फुटबल संघ

१७ कात्तिक, काठमाडौं । एएफसी यु-२३ एसियन कप छनोट खेलेर नेपाली राष्ट्रिय यु-२३ फुटबल टिम बुधबार स्वदेश फर्किएको छ । ताजिकिस्तान भएको छनोट अन्तर्गत समूह बी को खेल खेलेर नेपाली टोली बुधबार बेलुका काठमाडौं आइपुगेको हो ।

राम्रो प्रदर्शन गर्ने लक्ष्यसहित ताजिकिस्तान पुगेको नेपाल समूहको तीनवटै खेल हार्दै समूह चरणबाटै बाहिरिएको थियो । नेपालले तीन खेलमा एक गोल पनि गर्न सकेन ।

पहिलो खेलमा इरानसंग ४-० ले पराजित भएको नेपाल दोस्रो खेलमा घरेलु टोली ताजिकस्तानसंग ६-० र तेस्रो खेलमा लेबनानसंग ४-० ले पराजित भएको थियो ।

बालगोपाल महर्जनको प्रशिक्षणमा रहेको टोलीमा माल्दिभ्समा सिनियर टिमबाट साफ च्याम्पियनसिप खेलेका ६ खेलाडी समेत समावेश थिए ।

यस्तै राष्ट्रिय टिमबाट खेलिसकेका अरु ४ खेलाडी पनि थिए । तर यु-२३ समूहमा पनि नेपालको प्रदर्शन भने राम्रो हुन सकेन ।