२३ कात्तिक, काठमाडौं । ललितपुर महानगरपालिका र कैलालीको धनगढी उपमहानगरपालिका उपमेयर कप महिला राष्ट्रिय लिगको छनोट प्रतियोगिताको सेमिफाइनलमा प्रवेश गरेका छन् ।
मंगलबार सुरु भएको क्वाटरफाइनलको पहिलो खेलमा ललितपुरले झापाको शिवसताक्षी नगरपालिकालाई ४-० ले पराजित गरेको हो ।
एन्फा कम्प्लेक्समा भएको खेलमा ललितपुरको जितमा निर्मला विकले ह्याट्रिक गरिन् भने मनिषा शेनले एक गाल गरिन् ।
ललितपुरले अब सेमिफाइनलमा झापाको कन्काइ नगरपालिका र कैलालीको गोदावरी नगरपालिकाबीचको विजेतासँग खेल्नेछ ।
यस्तै दोस्रो क्वाटरफाइनलमा धनगढीले बर्दियाको बाँसगढी नगरपालिकालाई १२-१ को फराकिलो अन्तरले हरायो ।
धनगढीको लागि चन्द्रा भण्डारीले ५ गोल गर्दा रेखा पौडेलले ४ गोल गरिन् । यस्तै सरस्वती रोकाया, सुरक्षा कुमारी सिंह र विर्सना चौधरीले एक–एक गोल गरे । बाँसगढीका लागि एकमात्र गोल अमिशा कार्कीले गरिन् ।
धनगढीले अब सेमिफाइनलमा इलामको रोङ गाँउपालिका र कैलालीको गौरीगंगा नगरपालिकाबीचको विजेतासँग खेल्नेछ ।
प्रतियोगितामा बुधबार अन्तिम दुई क्वाटरफाइनल खेल हुनेछ । सेमिफाइनलको दुवै खेल शुक्रबार हुनेछ । फाइनल खेल आइतबार हुनेछ ।
प्रतिक्रिया 4